Warning: mysql_fetch_array() expects parameter 1 to be resource, boolean given in /home/laosoft2/domains/laosoftware.asia/public_html/single.php on line 10 

ສື່ຕ່າງປະເທດລາຍງານວ່າ ອິນເດຍເປັນປະເທດທີ່ມີຄ່າບໍລິການອິນເຕີເນັດເທິງມືຖືທີ່ຖືກທີ່ສຸດໃນໂລກ ເຜີຍສາເຫດເກີດຈາກການແຂ່ງຂັນຂອງຜູ້ໃຫ້ບໍລິການທີ່ດຸເດືອດ ໂດຍສະເພາະເຄືອຂ່າຍ Reliance Jio ທີ່ເຮັດໃຫ້ວົງການອິນເຕີເນັດເທິງມືຖືມີການສັ່ນຄອນ ດ້ວຍການມອບຂໍ້ສະເໜີອິນເຕີເນັດຄວາມໄວສູງລາຄາຖືກ ແລະ ໂທໂດຍບໍ່ເສຍຄ່າ. ສຳນັກຂ່າວບີບີຊີລາຍງານວ່າ ຖ້າທຽບຄ່າອິນເຕີເນັດເທິງມືຖືຢູ່ອິນເດຍກັບປະເທດອື່ນໆຈະເຫັນວ່າມີຄວາມຫຼຸດໂຕນກັນຫຼາຍ ຍົກຕົວຢ່າງຄື ໃນອິນເດຍຄ່າອິນເຕີເນັດເທິງມືຖືຢູ່ທີ່ປະມານ 0.26 ໂດລາຕໍ່ 1 GB ໃນຂະນະທີ່ໃນອາເມລິກາ ແມ່ນ 12.37 ໂດລາ ຕໍ່ 1 GB ແລະ ໃນອັງກິດ 8.53 ໂດລາ ຕໍ່ 1GB. ແນວໃດກໍຕາມ ມີຊາວອິນເດຍຫຼາຍຄົນກ່າວວ່າ ພວກເຂົາຈ່າຍຕໍ່າກວ່າ 0.10 ໂດລາຕໍ່ 1 GB ແລະ ຜູ້ໃຊ້ບໍລິການໃນອາເມລິກາ ແລະ ອັງກິດກໍລະບຸວ່າພວກເຂົາຈ່າຍໜ້ອຍກວ່າໃນຂໍ້ມູນທີ່ສະເໜີໄປເບື້ອງຕົ້ນ. ເຖິງຢ່າງນັ້ນ ຄ່າອິນເຕີເນັດເທິງມືຖືຢູ່ອິນເດຍກໍຍັງຖືກກວ່າຢູ່ປະເທດອື່ນໆຢ່າງເຫັນໄດ້ຊັດເຈນ ແຕ່ສະພາບດັ່ງກ່າວນີ້ອາດຈະບໍ່ຄົງຢູ່ຕະຫຼອດໄປ ເພາະລາຄາທີ່ຖືກນີ້ເກີດຈາກການທີ່ຜູ້ໃຫ້ບໍລິການລາຍໃຫຍ່ສະເໜີເພື່ອຍາດແຍ່ງລູກຄ້າໃໝ່ເທົ່ານັ້ນ. ເຄືອຂ່າຍ Reliance Jio ເປັນຜູ້ໃຫ້ບໍລິການທີ່ມາສັ່ນຄອນວົງການອິນເຕີເນັດເທິງມືຖືໃນອິນເດຍ ທີ່ເປີດໂຕໃນປີ 2016 ໂດຍສາມາດຍາດແຍ່ງເອົາລູກຄ້າໃໝ່ເຖິງ 100 ລ້ານຄົນພາຍໃນເວລາ 6 ເດືອນ ດ້ວຍການມອບຂໍ້ສະເໜີນຳໃຊ້ຟຣີ, ອິນເຕີເນັດຄວາມໄວສູງເທິງມືຖືທີ່ມີລາຄາຖືກ ແລະ ໂທໂດຍບໍ່ເສຍຄ່າ. ພາຍໃນເວລາພຽງ 2 ປີ Jio ໄດ້ກາຍມາເປັນຜູ້ໃຫ້ບໍລິການເຄືອຂ່າຍທີ່ໃຫຍ່ເປັນອັນດັບ 3 ໃນອິນເດຍ.ແນວໃດກໍຕາມ ສະຖານະການດັ່ງກ່າວຈະບໍ່ຄົງທົນ. ຣາຈັນ ແມັດທິວ ຫົວໜ້າສະມາຄົມຜູ້ໃຫ້ບໍລິການເຄືອຂ່າຍໄຮ້ສາຍໃນອິນເດຍກ່າວວ່າ ການທີ່ອິນເຕີເນັດເທິງມືຖືມີລາຄາຖືກແມ່ນຍ້ອນການແຂ່ງຂັນຍາດແຍ່ງລູກຄ້າທີ່ດຸເດືອດ ເຊິ່ງລາຄາທີ່ຖືກນີ້ຈະບໍ່ຍືນຍົງ ຖ້າຜູ້ໃຫ້ບໍລິການສືບຕໍ່ໃນການລົງທຶນຂະຫຍາຍພື້ນທີ່ໃຫ້ບໍລິການ, ຄຸນນະພາບ ແລະ ເຕັກໂນໂລຊີໃໝ່ໆ. "ລາຍຮັບຈາກອຸດສາຫະກຳຂະແໜງນີ້ແມ່ນຍັງຕໍ່າ. ຜູ້ໃຫ້ບໍລິການຈະທົບທວນລາຄາຄ່າບໍລິການ ເພື່ອແກ້ໄຂບັນຫາດັ່ງກ່າວ", ທ່ານ ຣາຈັນ ກ່າວ.ອິນເດຍມີຜູ້ໃຊ້ອິນເຕີເນັດເທິງມືຖືຫຼາຍກວ່າ 500 ລ້ານລາຍ ອີງຕາມຂໍ້ມູນເມື່ອທ້າຍເດືອນທັນວາ 2018 ໃນຂະນະທີ່ຜູ້ໃຊ້ອິນເຕີເນັດແບບໃຊ້ສາຍມີພຽງ 18 ລ້ານລາຍ. 55% ຂອງຜູ້ໃຊ້ບໍລິການມືຖື ຈາກທັງໝົດ 1.17 ຕື້ລາຍອາໄສຢູ່ໃນເຂດຕົວເມືອງ ແລະ ຈຳນວນຜູ້ໃຊ້ບໍຊລິການອິນເຕີເນັດເທິງມືຖືທີ່ເພີ່ມຂຶ້ນຢ່າງກ້າວກະໂດດເປັນຜົນມາຈາກ Jio. .

You Might Also Like

Don’t worry ! Your email address will not be published. Required fields are marked (*).

Featured News

ລາຍການອາຫານ