laosoftware.asia ບໍລິການຂາຍໂປຣແກຣມ ແລະ ເວບໄຊ

ນັກຮຽນຕົວແທນ ສປປ ​ລາວ ຄວ້າ​ 2 ຫຼຽນ​ຄໍາ, 4 ຫຼຽນເງິນ, ແລະ, 8 ຫຼຽນທອງ ພ້ອມທັງຄວ້າ 4 ລາງວັນ​ຊົມ​ເຊີຍ ໃນ​ການ​ແຂ່ງຂັນຄະນິດສາດລະດັບນາໆ​ຊາດ ຄັ້ງທີ VIII ທີ່ ປະເທດໄທ, ຂະນະທີ່ປະເພດ​ທີ​ມ​ແຂ່ງຂັນ​ຫຸ່ນ​ຍົນ ​ແມ່ນ​ໄດ້​ຮັບ​ລາງວັນ​ຊົມ​ເຊີຍ. ເມື່ອ​ວັນ​ທີ 12 ມີນາ ຜ່ານ​ມາ ທີ່​ສະ​ໜາມ​ບິນ​ສາກົນວັນ​ໄຕ ນະຄອນຫຼວງວຽງຈັນ ​ໄດ້​ຈັດການ​ຕ້ອນຮັບ​ຄະນະ​ຄູອາຈານ​ນໍາພາ, ພໍ່​ແມ່​ຜູ້​ປົກຄອງ ​ແລະ ນັກຮຽນ ຈໍານວນ 20 ກວ່າ​ຄົນ ທີ່​ໄດ້​ເດີນທາງ​ກັບມາ​ ສປປ ລາວ ພາຍຫຼັງສຳເລັດໃນການ​ເຂົ້າ​ຮ່ວມ​ແຂ່ງຂັນຄະນິດສາດລະດັບ​ນານາ​ຊາດ ແລະ ​​ແຂ່ງຂັນຫຸ່ນຍົນ ຄັ້ງທີ VIII ລະຫວ່າງ​ວັນ​ທີ 8-11 ມີນາ ຜ່ານມາ ທີ່ໂຮງຮຽນ ນາໆຊາດ ແພນອາຊີ ແລະ ມະຫາວິທະຍາໄລຣັງສິດ ນະຄອນຫຼວງບາງກອກ ປະເທດໄທ, ໂດຍ​ໃຫ້​ກຽດ​ຕ້ອນຮັບ​ຂອງທ່ານ ປະ​ເສີດ ​ໄຊ​ຍະມົງຄົນ ຜູ້​ອໍານວຍ​ການ​ໂຮງຮຽນ​ອິດສະ​ເຕິນສະຕາ (ຝ່າຍ​ລາວ), ທ່ານ ອາ​ເມັດ ​ເພັກ​ຕັດ ຜູ້​ອໍານວຍ​ການໂຮງຮຽນ​ອິດສະ​ເຕິນສະຕາ (ຝ່າ​ຍຕ່າງປະ​ເທດ), ພ້ອມ​ດ້ວຍ​ຄະນະ​ຜູ້​ບໍລິຫານ, ພະນັກງາ​ນ, ຄູອາຈານ, ພໍ່​​ແມ່​ຜູ້​ປົກຄອງ ​ແລະ ນັກຮຽນເຂົ້າ​ຮ່ວມ. ການ​ເຂົ້າ​ຮ່ວມ​​ແຂ່ງຂັນ​ຄະນິດສາດ ​ແລະ ​ຫຸ່ນ​ຍົນໃນຄັ້ງ​ນີ້, ແມ່ນເພື່ອເປັນການຊຸກຍູ້ໃຫ້ນັກຮຽນພະຍາຍາມຮຽນຮູ້ວິຊາຄະນິດສາດ, ພັດທະນາທັກສະໃນການແກ້ໄຂບັນຫາທາງຄະນິດສາດດ້ວຍນັກຮຽນທີ່ມີພອນສະຫວັນ ແລະ ເພື່ອສືບຕໍ່ຄວາມພະຍາຍາມພັດທະນາໃນການເປັນມືອາຊີບທີ່ຄວນຈະໄດ້ຮັບການປັບປຸງ. ນອກຈາກນີ້, ການຈັດການແຂ່ງຂັນດັ່ງກ່າວ ຍັງສະແດງໃຫ້ເຫັນເຖິງຄວາມທ້າທາຍຂອງຄະນິດສາດ ແລະ ຍັງສົ່ງເສີມໃຫ້ນັກຮຽນມີແຮງຈູງໃຈ, ມີລະບຽບວິໄນໃນການແກ້ໄຂບັນຫາໃໝ່ໆ ​ແລະ ຍັງມີການສຶກສາຄະນິດສາດທີ່ດີເລີດ ແລະ ການຄິດດ້ວຍການວິເຄາະ. ການ​ແຂ່ງຂັນ ແມ່ນໄດ້ຈັດຂຶ້ນໃນແຕ່ລະປີ ແລະ ໃນປີນີ້ (2019) ໄດ້ຈັດຂຶ້ນທີ່ໂຮງຮຽນ ນາໆຊາດ ແພນອາຊີ ແລະ ມະຫາວິທະຍາໄລຣັງສິດ ນະຄອນຫຼວງບາງກອກ ປະເທດໄທ ​ໃນ​ລະຫວ່າງ​ວັນ​ທີ 8-11 ມີນາ 2019, ມີນັກຮຽນຈາກ 60 ໂຮງຮຽນ, 250 ທີມ, 800 ຄົນ ຈາກ 20 ປະເທດເຂົ້າຮ່ວມ, ​ໂດຍ​ມີ ​3 ລະດັບ, ​ແຂ່ງຂັນ​ໃຊ້​ເວລາ 15 ນາທີ, ຮອບ​ທີ 1 ​ໃຊ້​ເວລາ 7 ນາທີ, ຮອບ​ທີ 2 ທີ​ມ​ໃດ​ແຂ່ງຂັນ​ຕົກ​ຮອບ ​ແມ່ນ​ຖືກຄັດ​ອອກ ​ແລະ ຮອບ​ທີ 3 ​ແມ່ນ​ເອົາ​ທີ​ມຊະນະ​ເລີດ. ສໍາລັບ​ໃນໄລຍະຜ່ານມາ​ແມ່ນ​​ໃສ່​ຊື່ໂຮງຮຽນອິດສະ​ເຕິນສະຕາ ທີ່ເປັນພຽງໂຮງຮຽນດຽວ​ໄດ້​ສົ່ງ​ນັກຮຽນເປັນຕົວແທນຂອງປະເທດລາວເຂົ້າ​ຮ່ວມແຂ່ງຂັນ ແຕ່ໃນປີນີ້ແມ່ນໃສ່ຊື່ໃນນາມໂຮງຮຽນນານາຊາກລາວ ເຂົ້າຮ່ວມແຂ່ງຂັນ, ຊຶ່ງປະກອບ​ມີ 1 ທີ​ມ ແຂ່ງຂັນ​ຄະນິດສາດ ​ແລະ 1 ທີ​ມ​ແຂ່ງຂັນ​ຫຸ່ນ​ຍົນ. ສາມາດ​ຍາດໄດ້ຮັບລາງວັນຊະນະເລີດ ​ແລະ ສ້າງ​ຊື່ສຽງ​ໃຫ້​ກັບປະ​ເທດ​ລາວ ໂດຍການຄວ້າ 2 ຫຼຽນຄໍາ ຈາກການແຂ່ງຂັນຄະນິດສາດ ຄື: ທ້າວ ​ນິດ​ຕິ​ພູມ ຈະ​ເລີ​ນ​ໄຊ ນັກຮຽນ​ຫ້ອງ ມ.1 ​ແລະ ທ້າວ ພອນ​ປະ​ເສີດ ທໍາ​ມະ​ລາດ ນັກຮຽນ​ຫ້ອງ ມ.5. ພ້ອມກັນນີ້, ຍັງຄວ້າອີກ 4 ຫຼຽນເງິນ, 8 ຫຼຽນທອງ ​ແລະ 4 ລາງວັນ​ຊົມ​ເຊີມ. ສ່ວນ​ທີ​ມ​ແຂ່ງຂັນ​ຫຸ່ນ​ຍົນ ​ແມ່ນ​ໄດ້​ຮັບ​ລາງວັນ​ຊົມ​ເຊີຍ. .

You Might Also Like

Don’t worry ! Your email address will not be published. Required fields are marked (*).

Featured News

ລາຍການອາຫານ