laosoftaware.asia | ລາຍລະອຽດຂ່າວກິລາ
 

ເຟສບຸກໂຕ້ຂ່າວລື ມາກ ຊັກເຄີເບີກ ບໍ່ມີແຜນຢ້ຽມຢາມປະເທດໄທ

Wpfreeware 6:49 AM Technology
ຜູ້​ສື່​ຂ່າວ​ລາຍ​ງານ​ວ່າ​ ໂຄສົ​ກ​ເຟ​ສ​ບຸກ​ອອກ​ຖະແຫຼງ​ການ​ວານ​ນີ້​ ຢືນຢັນ​ ຜູ້​ບໍລິຫານລະ​ດັບ​ສູງ​ບໍ່​ມີ​ແຜນ​ເດີນທາງ​ມາ​ປະເທດ​ໄທ​ໃນ​ຊ່ວງ​ນີ້​ ເຊິ່ງ​ຂັດ​ແຍ່ງ​ກັບ​ທີ່ ພົນ​ເອກ ​ປະ​ຢຸດ​​ ຈັນ​ໂອ​ຊາ​ ນາຍົກ​ລັດຖະມົນຕີ ​.
ໄດ້​ປະ​ກາດ​ເມື່ອ​ວັນ​ອັງ​ຄານ​ທີ່​ຜ່ານມາ​ (17 ຕຸລາ 2017) ວ່າ​ ຕົນເອງ​ຈະ​ພົບ​ກັບ​ ​ມາກ​ ຊັກ​ເຄີ​​ເ​ບີກ​ ຜູ້​ກໍ່​ຕັ້ງ ​ແລະ ​ຊີ​ອີ​ໂອ​ຂອງ​ເຟສ​ບຸກ​ ໃນ​ວັນທີ​ 30 ຕຸລາ​ນີ້​ ເພື່ອ​ຫາ​ລືປະ​ເດັນ​ຕ່າງ​ໆ​ ຮວມ​ເຖິງ​ການ​ປ້ອງ​ກັນ​ອາຊະຍາກຳ​ຂ້າມ​ປະເທດ​. ທັງ​ນີ້​ ຍັງ​ບໍ່​ມີ​ທ່າ​ທີ​ຈາກ​ທາງ​ລັດຖະບານ​ໄທ​ຕໍ່​ຖະແຫຼງການ​ຫຼ້າ​ສຸດ​ຂອງ​ທາງ​ເຟສ​ບຸກ.​ ກ່ອນ​ໜ້າ​ນີ້​ ​ສົມ​ຄິດ​ ຈາ​ຕຸສີ​ພິ​ທັກ​​ ຮອງ​ນາຍົກ​ລັດຖະມົນຕີ​ ເປີດ​ເຜີຍ​ວ່າ​ ​ມາ​ກ​ ຊັກ​ເຄີ​​ເ​ບີກ​ ປະ​ທານ​ເຈົ້າ​ໜ້າທີ່​ບໍລິຫານ​ ແລະ ​ປະ​ທານ​ເຈົ້າ​ໜ້າທີ່​ຝ່າຍ​ປະຕິບັດການ​ ຜູ້​ກໍ່​ຕັ້ງ​ເວັບ​ໄຊ​ເຟສ​ບຸກ​ ຈະ​ມາ​ຢ້ຽມຢາມ​ໄທ​ປາຍ​ເດືອນ​ນີ້​ ແລະ​ໃນ​ວັນທີ​ 30 ຕຸລາ​ ຈະ​ເຂົ້າ​ພົບ​ ພົນເອກ ​ປະ​ຢຸດ​ ຈັນ​ໂອ​ຊາ​ ນາຍົກ​ລັດຖະມົນຕີໄທ​ອີກດ້ວຍ ເຊິ່ງ​ການ​ພົບປະ​ເທື່ອ​ນີ້​ຈະ​ເປັນ​ພາບ​ລັກ​​ທີ່​ດີ​ຕໍ່​ປະເທດ​ໄທ​ ເພາະ​ເຟສ​ບຸກ​ເປັນ​ສູນຂໍ້ມູນ ​ແລະ ​ມີ​ການ​ເຊື່ອມ​ໂຍງ​ໄປ​ທົ່ວ​ໂລກ​ ສະ​ທ້ອນ​ເຖິງ​ຄວາມ​ສົນ​ໃຈ​ ຂອງ​ເຟ​ສບຸກ​ຕໍ່​ປະເທດ​ໄທ​ ແລະ​ຈະ​ໄດ້​ຫາລື​ເຖິງ​ທິດ​ທາງ​ການ​ຂະຫຍາຍ​ຂອງ​ເຟສ​ບຸກ​ໃນ​ພາກພື້ນ​ອາ​ຊຽນອີກ​ດ້ວຍ.​ ສ່ວນ​ ພົນເອກ ​ປະ​ຢຸດ​ ຈັນ​ໂອ​ຊາ​ ນາຍົກ​ລັດຖະມົນຕີ​ ຕອບ​ຄຳ​ຖາມ​ຈາກ​ສື່​ມວນ​ຊົນ​ພາຍ​ຫຼັງ​ການ​ປະ​ຊຸມ​ຄະນະ​ລັດ​ຖະມົນ​ຕື​ ເມື່ອ​ວັນທີ​ 17 ຕຸລາ 2017 ທີ່​ສຳນັກງານລັດຖະບານ​ ເຖິງ​ກໍລະນີ​ການເດີນທາງ​ເຢືອນ​ໄທ​ຂອງ​ ​ມາ​ກ​ ເອນ​ລຽດ​ ຊັກ​ເຄີ​ເ​ບີກ​ ຜູ້​ກໍ່​ຕັ້ງ​ ແລະ​ ຜູ້​ບໍລິຫານ​ເຟ​ສບຸກ​ວ່າ​ ​ມາກ​ ເອນ​ລຽດ​ ຊັກ​ເຄີ​​ເ​ບີກ​ ມີ​ກຳນົດ​ການເດີນທາງຢ້ຽມຢາມ​ປະເທດ​ໄທ​ ແລະ ​ເຂົ້າ​ຢ້ຽມ​ຄາລ​ະວະ​ນາຍົກ​ລັດຖະມົນຕີ​ ໂດຍ​ຈະ​ຫາ​ລື ​ແລະ ​ແລກ​ປ່ຽນ​ມຸມ​ມອງ​ກ່ຽວກັບ​ຄວາມ​ຮ່ວມ​ມື​ທາງ​ດ້ານ​ການ​ໃຊ້​ເຟສ​ບຸກ​ ແລະ ຜົນ​ກະທົບ​ອັນ​ເກີດ​ຈາກ​ອາຊະຍາກຳ​ຂ້າມປະເທດ​ເທິງ​ເຟສ​ບຸກ​ ເພື່ອ​ຫາ​ແນວ​ທາງ​ປ້ອງ​ກັນ ​ແລະ​ ແກ້​ໄຂ​ບັນຫາ​ທີ່​ຈະ​ເກີດ​ຂຶ້ນ.​ ແນວໃດ​ກໍ​ຕາມ​ ການ​ເຂົ້າ​ພົບ ​ແລະ ​ຫາ​ລືຂອງ​ ​ມາກ​ ເອນ​ລຽດ​ ຊັກ​ເຄີ​ເ​ບີກ​ ເທື່ອ​ນີ້​ ຖື​ວ່າ​ເປັນ​ໂອ​ກາດ​ດີ​ທີ່​ຈະ​ມີ​ການ​ພັດທະນາ​ຄວາມ​ຮ່ວມ​ມື​ລະຫວ່າງ​ກັນ​ ເພື່ອ​ນຳ​ໄປ​ສູ່​ຜົນ​ປະໂຫຍດ​ສູງ​ສຸດ​ຂອງ​ທັງ​ສອງ​ຝ່າຍ.​ ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
















img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More

ລາຍການໂຄສະນາທີ 1

ລາຍການໂຄສະນາທີ 2

ລາຍການໂຄສະນາທີ 3

ລາຍການໂຄສະນາທີ 1

ລາຍການໂຄສະນາທີ 2